|| शरण में आपरी माँ ||

शरण में आपरी माँ,
ऊभा सेवक जोड़्या हाथ।
दीज्यो दर्शन दास ने माँ,
करणी राखो सिर पर हाथ॥

शरण में आपरी जी, शरण में आपरी जी,
शरण में आपरी जी…॥

मेहाजी री लाडली माँ, मैया देवल थारी मात,
सगती गाँव सुवाप में माँ, जन्मी अम्बे चारण जात।
शरण में आपरी जी…
शरण में आपरी जी, ऊभा सेवक जोड़्या हाथ॥

देवपुरी स्वर्ग दुसरो माँ, किन्हो देशानो दरबार,
मढ़ में प्यारी मूर्ति माँ, नैना निरखूँ मन हर्षाय।
शरण में आपरी जी, शरण में आपरी जी,
शरण में आपरी जी, ऊभा सेवक जोड़्या हाथ॥

सातम रे दिन संभली माँ, आवे बन सगतया रे साथ,
सजती झाँकी सातरी माँ, फेरी तेमड़ री प्रभात।
शरण में आपरी जी, शरण में आपरी जी,
शरण में आपरी जी, ऊभा सेवक जोड़्या हाथ॥

देखन आवे देवता माँ, सारा पुष्प रिया बरसाय,
सुर-स्तुति शारदा माँ गावे, चारण मिलकर साथ।
शरण में आपरी जी, शरण में आपरी जी,
शरण में आपरी जी, ऊभा सेवक जोड़्या हाथ॥

बालक मीसन महेश री माँ, करजे चित री पूरी आस,
भक्ति बख्शो भाव री माँ, सुत री रक्षा कर दिन-रात।
शरण में आपरी जी, शरण में आपरी जी,
शरण में आपरी माँ, ऊभा सेवक जोड़्या हाथ॥